HISTORIA BADAK FAKULDADE ICT
Fakuldade ICT (Information and Communication Technology) hari husi IOB (Institute Of Business) ho departementu Gestão Informática iha tinan 2005, momentu ne’e seidauk fahe ba fakuldade, maibe sei iha deit departementu. Tempu mos lao dadaun no progressu evolusaun mos lao, entermus rekursu humanu no fasilidade ho nune’e hetan apresiasaun husi estudantes no komunidade hodi hili mai halao sira nia estudu iha IOB, liliu iha area informatika, tamba ne’e, iha tinan 2013, hari tan departementu ida ho naran Técnica Informática no departementu Contabilidade Computador, ho nune’e iha momentu ne’e kedan IOB loke ou hari fakuldade ICT. Momentu hari’i fakuldadae ICT, ho hanoin katak, iha fakuldade refere baseia ba strategis IOB nian katak, Teknolojia hanesan base fundamental ba atividade hotu hotu, tamba iha tempu modernu ne’e sistema edukasaun hotu hotu, teknolojia hanesan nescecidade basiku hodi ajuda halao atividade hotu ho efisiencia, efetivu no fleksibel. Iha processu aprendisazem mos lao nafatin to’o ohin loron, no ho programa estudu maka hanesan Bacharelato no Licenciatura. Departementu hotu ho ninia programa studu hetan licença husi Ministerio da Educação e Cultura. Agora dadaun Fakuldade ICT nia departementu Gestão Informática iha programa studu Bacharelato hetan ona akreditasaun husi ANAAA (Agência Nacional de Avaliação e Acreditação Académica) iha tinan 2017 ho valor B. Ba programa studu Licenciatura husi departementu tolu (Gestão Informática, Técnica Informática no Contabilidade Computador) no programa estudu Bacharelato husi departementu Técnica Informática no Contabilidade Computador agora iha ona faze elaborasaun ou priencimentu kestionariu akreditasaun nian no fulan Agustos tinan 2018 sei submete ba Ministerio da Educação e Cultura, liliu parte ANAAA (Agência Nacional de Avaliação e Acreditação Académica).
VISAUN FAKULDADE ICTVisaun fakuldade ICT maka hanesan mensiona tuir mai ne’e:
- Hakarak atu sai fakuldade ne’ebe diak liu iha IOB ho implementasaun doutrina ensinu superior nian maka hanesan Edukasaun, Peskiza no servisu Sociedade ba nasaun no cidadaun hotu.
- Hakarak atu hato’o edukasaun, peskiza no servisu komunitariu ba publiku tuir metodu edukasaun modernu no integradu.
- MISAUN FAKULDADE ICT
Missaun fakuldade ICT maka hanesan tuir mai ne’e:
- Rezulta rezultadu alumni ne’be orientadu ba merkadu servisu iha area Jestaun informatica, Teknika Informatika no kontabilidade komputador ho diak hodi nune’e bele compete ba merkadu servisu.
- Hasae kualidade liu husi prestasaun cientifiku, peskiza no publikasaun cientifiku.
- Implementa kunecimentu cientifiku ne’ebe hetan liu husi edukasaun, peskiza, no servisu komunitariu hodi nune’e fo moris diak ou prospriedade ba cidadaun hotu liu liu IOB
OBJETIVU FAKULDADE ICTFinalista programa studu
Licenciatura no
Bacharelato tuir dari kurikulum, espera katak iha kapcidade ba domina no aproveita utiliza teknolojia informasaun hanesan analisa sistema, desena sistema, desenvolve sistema informasaun, desena base dadus, sei hili no implementa teknolojia informasaun ho lolos, desenvolve rede komputador, implementa metodu komputasaun no iha abilidade ba teknolojia informasaun no komunikasaun.
- Bele desenvolve Sistema Informasaun
- Bele analisa no desenvolve sistema informasaun.
- Bele hili teknolojia informasaun ne’ebe los hodi implementa.
- Suficiente atu hamosu implementasaun desena sistema informasaun ho lian programasaun ne’ebe los ho maneira:
- Elabora programa mesak
- Utiliza instrumentu ne’ebe iha
- Bele integra sistema ne’ebe iha ona
- Bele adapta tuir evoluisaun sistema informasaun
- Bele Desenvolve Sistema Base Dadus
- Bele halo analisa no desena sistema base dadus.
- Iha kapacidade hodi hili modelu no lian programsaun base dadus.
- Bastante mosu hodi implementa desenu base dadus.
- Mampu memanfaatkan model base berbasis pengetahuan
- Bele Desenvolve Sistema Rede Komputador
- Bele halo analisa no desenu rede komputador ho nivel I-AN.
- Bele hili teknolojia rede ne’ebe los iha utilizasaun.
- Bastante iha kapacidade hodi desenvolve sistema rede ho instrument fisikus ne’ebe los, maka hanesan tuir mai ne’e:
- Konstrui rede komputador mesak.
- Utiliza instrumnetus ne’ebe iha, atu halao acessu no kontrola ba rede komputador.
- Halo integrasaun ba sistema rede komputador ne’ebe iha.
- Bele adapta tuir evolusaun teknolojia rede komputador.
- Bele desenvolve sistema rede komputador
- Bele implementa metodu komputasaun no kumpriende metodu komputasaun ne’ebe iha.
- Bastante iha jeitu atu hili metodu komputasaun.
- Bele implementa metodu komputasaun ho instrumentus ne’ebe kondiz ho desenvolvimentu aplikativu.
- DEPARTEMENTU FAKULDADE ICT
Fakuldade ICT iha depertementu tolu maka hanesan :
- Departementu Gestão Informática
- Técnica Informática
- Contabilidade Computador
Dekanu Fakuldade Information Communication and Technology (ICT)